«Салым Финанс» — эл аралык инвесторлор үчүн ишенимдүү өнөктөш

Ачык акционердик коом «Салым Финанс» көп жылдан бери ишенимдүү жана туруктуу каржылык өнөктөш экенин тастыктап келет. Компания чет өлкөлүк алдыңкы кредиторлордон 70 млн доллардан ашык каражат тартып, аларды Кыргызстандын реалдуу секторуна – чакан жана орто бизнести колдоого, аймактарды өнүктүрүүгө жана калктын заманбап каржылык кызматтарга жеткиликтүүлүгүн кеңейтүүгө багыттады. Бул инвестициялар жаңы жумуш орундарын түзүүгө, ишкерчиликтин өсүшүнө жана өлкө экономикасынын чыңдалышына өбөлгө болду.

Компаниянын маанилүү жетишкендиктеринин бири – анын кемчиликсиз кредиттик тарыхы. «Салым Финанс» эл аралык каржы институттары менен кызматташуу учурунда өз милдеттенмелерин дайыма толугу менен жана өз учурунда аткарып келген. Ошондуктан чет өлкөлүк кредиторлор бүгүнкү күндө да мындан ары өнөктөштүктү улантууга даярдыгын билдирип келишет.

Азыркы учурда компаниянын стратегиялык багыты ички рынокко топтолгон. «Салым Финанс» калк жана бизнес үчүн ишенимдүү каржылык ортомчу бойдон калууда, ошол эле учурда эл аралык өнөктөштөрдүн ишенимин сактап, өлкө экономикасынын жана Кыргызстандын келечегинин өнүгүшүнө салым кошууда.